Теегин сәәхләс
Нег дәкҗ өрк-бүләрн Көтчнрә района Ергенинск селәнүр авһдан гиичд одлав.
Көтчнрә һазрт түрүн болҗ хальмг теегт урһдг сәәхн улан, шар, оошк, цаһан өңгтә бамб цецгүд үзв. Бамб цецгүд үзәд, илвтә орн-нутгт туссн болҗ нанд медгдв. Цецгүдин каңкнсн үнр шиңгәсн цевр аһар кииләд, удандан тедниг һәәхәд бәәх дурн күрнә.
Хальмг улс бамб цецгиг «алтн зул цецг» гиҗ нерәднә. Энүг әмтн нарнла дүңцүлнә. Дәкәд дәәнд хорсн цергчнрин цусн һазрт тусад, бамб цецгүдт хүврсмн гиҗ өвкнр келцхәнә.
Голландьд эдн бас урһна, эн һазриг бамб цецгин төрскн гиҗ әмтн келнә.
Харм төрхд, җил ирвәс бамб цецгүдин то баһрад йовна. Тегәд, көвүд-күүкд, нег чигн цецгә бичә таслтн. «Теегин сәәхләсиг» әрүнәр хадһлхмн. Бамб цецг даңгин мана теегт урһтха!
Навруза Мадина, Хар һазра район.
Рубрика: 
